Apirilaren 6tik 9ra Haur Txokoa eskainiko du Lesakako udalak

Apirilaren 6tik 9ra, goizez eskainiko dute Haur Txokoa.

Izen-ematea martxoaren 25 eta 26an turismo bulegoan eta martxoaren 29an Harriondoan egin daiteke

Aste Santuko besta egunen ondotik, apirilaren 6tik 9ra Haur Txokoa zerbitzua eskainiko du Lesakako udalak, 2 eta 12 urte bitarteko haurrei zuzendua. Gehienez ere 22 haur hartuko dituzte, hurrenkeraren arabera.

Hain zuzen martxoaren 25ean eta 26an, ortzegunean eta ortziralean eman daiteke izena turismo bulegoan 09:00etatik 14:00etara edo 690 23 00 31 (Belen) telefono zenbakian. Martxoaren 29an, Harriondoa kultur etxean eman daiteke izena, 18:00etatik aitzinera. 15 euroko kuota ordaindu beharko da.

Haur Txokoaren ordutegiari dagokienez, 09:00etatik 13:00etara izatekoa da, baina malgua izanen dela ere adierazi dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun