Auskalo zeinek jarriak bertso emanaldia eskainiko dute apirilaren 17an Lesakako Linddurrenborda sagardotegian Eñaut eta Unai Agirre anaiek. Bortzirietako bertso eskolak udalaren laguntzaz antolatu du emanaldia. 14:00etan bazkaria izanen da Linddurrenbordan. Txartelen salmenta (32 eurotan) martxoaren 27an, larunbatean 18:00etatik 20:00etara eginen dute Eskol-ttikin. Lehen orduan, lesakarrek izanen dute lehentasuna.
Bortzirietako Bertso Eskolatik jakinarazi dutenez, edukiera mugatua denez eta eskaera handia aurreikusten denez, sarrerak eskuratzeko lehentasuna Lesakako herritarrei emanen zaie. Gerturatzen den lesakar bakoitzak bi sarrera eskuratu ahal izanen ditu. 18:00etatik 19:00etara lesakarrek izanen dute erosteko lehentasuna eta 19:00etan, sarrerarik balego, salgai jarriko dira momentuan.