Bigarren Ibarra izan zen, lesakarren kontra galdu eta gainerakoak irabazita. Podioko hirugarren koxkarako lehia estuan, kitarakoan Txantrea nagusitu zitzaion Berriozarri.
Beti Gazteko zortzikote txapeldunean Joxe Angel Mitxelena, Mikel Apeztegia, Oskar Telletxea, Beñardo Iantzi, Beñat Ordoki, Iñigo Altzugarai, Eneko Saldias eta Gerardo Telletxea aritu ziren, Unai Gurrutxaga erakusle eta Ander Mitxelena laguntzaile zutela.
Azken asteburuan azken bi txapelak jokoan
Gauza honela, oraingoz jokatu dituen bortz txapelak sakelan dituela, heldu den asteburuan Euskal Herriko txapelketako azken biak jokatuko dituzte Getxon. Lesakarrek, lehen aldiz Euskal Herriko txapel guztiak janzteko aukera izanen dute. Larunbatean txapelketa mistoa jokatuko dute, 580 kiloko kategorian. Lesakako taldeaz gain, Txantrea, Berriozar, Antsoain eta Ibarrako neska-mutilak ariko dira. Gizonezkoek, 560 kiloko txapela izanen dute jokoan. Beti Gazterekin batera, Txantrea eta Antsoain lehiatuko dira.