Elikadura eta kirolari buruzko tailerra emanen du Xabi Etxenike Igantzi kirolari lesakarrak martxoaren 21ean, igandean 18:00etan Lesakako Harriondoa Kutur Etxeko Txokobiko aretoan. Beti Gazte elkarteak antolatu du tailerra, Lesakako Herriko Etxearen laguntzarekin.
Bi orduko tailerra izanen da, publiko guztiari zuzendua, baina bereziki kirolari direnei. Portatila edo tableta eramatea ere gomendatu dute.