Beti Gazteren ondotik, Ibarra (Gipuzkoa) bigarren izan zen eta Txantreak osatu zuen podioa. Joan den urteko Munduko txapelketan urrezko bi domina lortutako Badaiotz gasteiztarrak, beraz, podiotik kanpo gelditu ziren, laugarren, eta Berriozar bosgarren izan zen.
Zortzikote txapeldunean Aitziber Goienetxe, Ane Gurrutxaga, Irantzu Goienetxe, Karmele Pikabea, Maddalen Lopez, Udane Arbelaitz (Oiartzun), Udane Loidi (Oiartzun) eta Maria Iantzi igantziarra aritu ziren, Joxe Angel Mitxelena entrenatzaile zutela.
Beraz, oraingoz, jokoan zeuden lau txapelak lortu ditu Beti Gaztek Euskal Herrikoan. Iaz, zazpi kategorietatik bortzetan irabazi zuten txapela.
Falta direnak
Aitzinera begira, martxoaren 20an gizonezkoen 600 kiloko txapela izanen dute jokoan eta martxoko azken asteburuan, hilaren 27an txapelketa mistoa eta 28an gizonezkoen 560 kiloko txapelketa jokatuko dituzte.