Elkarrizan taldea Berako San Jose eta Lesakako Andra Mari zahar etxeetako egoiliarrekin ibilaldiak egiten hasi da.
Beran irteerak astearteetan eta ortzegunetan 11:00etatik 12:15era eginen dituzte. Irteera hauetan egoitzako animatzaileek ere parte hartuko dute eta leku itxiak zein jendetsuak saihestuko dira.
Lesakan iaz taldekako irteerak egiten ziren, aurten berriz, banaka eginen dira: egoiliar bat boluntario bat. Irteerak astelehenetik ortziralera, bi ordu goizez eta ordu bat arratsaldez, eginen dira.
