Lesakan dantzarien eguna antolatu dute larunbat honetarako

Joan den urtea ia emanaldirik gabe joan zen eta urte osoan lanean segitu dutela erakutsi nahi dute dantza taldeko kideek

Tantirumairu Euskal Folklore Taldeak herriko dantzarien eguna antolatu du martxoaren 20rako. Egun osorako egitaraua prestatu dute. Goizean, Harriondoko kanpoaldean bortz eta hamabi urte bitarteko dantzariek emanaldia eskainiko dute 11:30ean. Bazkalondoan, 16:00etan toki berean Tor magoaren emanaldia iragarri dute. Azkenik, eta eguna borobiltzeko, 19:30ean dantzari helduek ikuskizuna taularatuko dute Harriondoko Txokobiko aretoan. Emanaldi honetarako sarrerak erostea beharrezkoa izanen da eta dagoeneko Xagu eta Telletxean eskuragai daude bi euroren truke.

Eguraldi txarra eginez gero, ekitaldi guztiak Txokobiko aretoan egitea aurreikusi dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun