Berako gazte batzuk auzolanean Kaxernako gaztetxea zen eraikinaren ondoan skate-parkea eraikitzen adi dira, udalarekin elkarlanean.
Udalak jakinarazi duenez «lanak bukatu artean bertan ibiltzea, eta eremu horretara sartzea debekatua» egonen da. Izan ere, «arrisku egoerak sortu» daitezke eta «norbaitek min hartu dezake». Gainera, «Kaxernako eraikina botatzeko asmoa» ere baduela adierazi du.
Gazteek auzolanean eraikia
Urte anitzetako lanaren emaitza da Kaxernan eraikitako skate-parkea. Iñigo Blas beratarrak bideo batean bildu ditu hainbat auzolan egun.