Kimu mailako (11-12) urte proba konbinatuan Araxes nagusitu zen (6:58), Igantzi izan zen bigarren (7:22), Berriozar A hirugarren (7:30), Antsoain A laugarren (7:55), Antsoain B bosgarren (7:59) eta Berriozar B seigarren.
Haur mailako proba konbinatuan (13-14 urte), erran bezala, Igantzik irabazi zuen bigarren jardunaldian ere (9:16). Antsoain A bigarren izan zen (9:30), Berriozar hirugarren (10:11), Araxes laugarren (10:30), Antsoain B bosgarren (10:33) eta Txantrea seigarren (11:13)
Bi kategoria hauetan, lau jardunaldi eta finala jokatuko dira, martxoaren 28an Antsoainen. Lau jardunaldiko denborak batuta, denborarik onenak lortzen duten lau taldeek lortuko dute finalerako txartela eta, beraz, Igantziko bi taldeek nahiko bideratua dute finalerako sailkapena.
Kadete mailako proba konbinatuan (15-16 urte) ere Igantzi suertatu zen garaile igandean (11:00); Antsoain izan zen bigarren (11:19), Berriozar hirugarren (11:28) eta Txantrea laugarren (13:48). Kategoria honetan bortz jardunaldi jokatuko dituzte liga sistema bidez (puntutara). Igandean, beraz, Igantzik 4 puntu lortu zituen, Antsoainek 3, Berriozarrek 2 eta Txantreak 1.
Sokatiran ere ari dira gaztetxoak, baina ez da eskualdeko ordezkaririk. Haur mailan nahiz kadete mailan Antsoaingo taldeak nagusitu ziren.