Transitos dantza ikuskizun bikaina eskaini dute Beran

Ttipi-Ttapa 2021ko mar. 8a, 14:00

Amico Teatro eta Acrónica Produccionesek larunbat ilunabarrean Transitos emanaldia eskaini zuen Berako Kultur Etxean.

Taldea Mercedes Castañok (zuzendaria), Jon Mayak (koreografia),  Idoia Oteizak eta Itziar Etxegiak (musika) eta Txori Garciak eta Ion Barbarinek (dantza) osatzen dute. Emanaldia hiru pasartetan banatutako bidaia intimo bat da. Lehenbiziko pasartean, sentsualitatea, feminitatea eta armonia esploratzen dira. Bigarrenean, dualtasuna agertzen da: onarpena, kontraesanak eta gatazkak. Eta hirugarrenean, pasio ilunenetan, tragikotasunaren umorean eta ezaugarri groteskoen samurtasunean murgiltzen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun