Bisitan Bortzirietako Garbigunea ezagutzeko aukera izan zuten, eta bertan zein hondakin mota biltzen diren eta nola kudeatzen diren ikusi zuten.
Hondakinen prebentzioa landu zuten, hau da, zer egin gure egunerokotasunean ahalik eta hondakin gutien sortzeko; pila berrerabilgarriak erabili, oihalezko poltsak, arraina erosteko tuperrak eta erabilera bakarreko plastikoak saihestea, bertzeak bertze. Azkenik, erabilera bakarreko plastikozko botilak saihesteko, kantinplora bana banatu zitzaien.
Ibaiko "bertze" arrainak' erakusketa
Bortzirietako Mankomunitateak, Nafarroako Hondakinen Partzuergoak eta Izarbeibarko Mankomunitatearen artean Ibaiko bertze arrainak erakusketa sortu dute. Erakusketaren helburua herritarren artean gure erreketan eta itsasoetan bukatzen duten hondakinek sortzen dituzten arazoen inguruan hausnarketa bultzatzea da. Erakusketa ikusteko ordutegia astelehenetik ortziralera 12:00etatik 15:00etara izanen da.