Lesakako Udalak turismo bulegoan publikoari arreta eta informazioa emateko langile bat kontratatu nahi du. Sei hilabetetarako kontratua, 2021eko apirilaren 1etik irailaren 30era bitarte, eskaintzen du. Eskatzaileek martxoaren 10era arteko epea dute eskaera orria bete eta aurkezteko.
Baldintzak
Izangaiak Nafar Lansare-Nafarroako enplegu Zerbitzuan lan eskatzaile gisa inskribatua egoteaz gain, 16 urteak beteak izan beharko ditu. Gainera, Batxilergoko titulua edo Lanbide Heziketako bigarren graduko titulua eta euskarazko C1 hizkuntza gaitasuna beharko ditu.
Egitekoak eta lansaria
Turismo teknikariak Bortziriak, Malerreka eta Baztango informazio turistikoa eman beharko die bisitariei. Horrez gain, udalerriko turismo-plan bat (turismo-enpresekin eta udalarekin elkarlanean) garatuko du eta, era berean, inguruko turismoa sustatu eta dinamizatzeko lanak, turismo sektoreko enpresek Nafarroako Turismo erregistroan inskribatzeko aurkezten dituzten erantzukizunpeko adierazpenak, zerbitzuaren antolaketa, web orria eguneratu... eginen ditu.
Langileak Nafarroako administrazio publikoen zerbitzuko langileen C mailari dagokion oinarrizko lansaria izanen du, gehi %12ko osagarria.