Lesakako Beti Gazte elkarteak martxoaren 6an, larunbatean 19:00etan lehen deialdian eta 19:30ean bigarrenean eginen du urteko batzar nagusia Harriondoa Kultur Etxean. Covid-19a dela eta, une oro errespetatu beharko dira eskatutako neurriak (musukoa, segurtasun distantzia, gel hidroalkoholikoa…).
Gai-ordenari dagokionez, joan den urteko batzarreko akta irakurriz eta, bidezko bada, onartuz hasiko dute bilera. Ondotik, joan den urteko ekitaldiak eta kontuen balantzea aztertuko dituzte; gero, 2021erako aurreikusitako ekitaldiak eta aurrekontua landuko dute, kuotak eguneratzea, informazioa eta zuzendaritza batzordearen berritzea, eskari-galderen txandarekin bukatzeko.