Otsailaren 28an Nafarroako Herri Kirol Jokoak hasi dira Antsoainen. Igantzitik hiru talde aurkeztu dira, kategoria eta froga desberdinetan, Angel Urtxegi, Lander Sein eta Iñaki Porturen gidaritzapean, eskualdeko partehartzaile bakarrak dira. Berriozar, Antsoain eta Txantrea dituzte arerio.
Otsailaren 28ko lehen jardunaldian, Kimuak kategoriko Igantziko taldea bigarren izan da, eta Haurrak kategoriakoa, berriz, garaile. Kadeteak martxoaren 7ko jardunaldian hastekoak dira.
Herri kirol Joko hauek martxoaren 28ra arte jokatuko dituzte, guztira lau jardunaldi eta finala jokatuz. Jardunaldi guztiak leku eta ordu berean jokatuko dira, Antsoainen, 11:00etan.