Beti Gazte elkartearen zuzendaritza batzordeko oharrak dioenez, «une honetan, Nafarroako Gobernuak ezarritako neurriak direla eta ekimena guri gustatuko litzaigukeen modura gauzatzea ezinezkoa dela ikusten dugu». Izan ere, Beti Gazteren arabera, «Lesakako Mendi Lasterketa ez da kirol proba bat soilik, kirolariak ezagutzeko, Lesakako mendiak bisitatzeko eta kirola abiapuntu izanik herri giro ederra sortzeko egun berezia da».
Beti Gazte elkarteko zuzendaritza batzordearen erranetan, «ilusioz eta gogoz bizitzen dugun eguna dela kontuam izanik ez da erabaki erraza izan, baina egoerak ez du ohiko ospakizunetarako aukera ematen. Hurrengo urtean oraindik gogo gehiagorekin antolatuko dugu Lesakako Mendi Lasterketa!».