Urte bereziak Nafarroako sokatira txapelketa berezia izanen du aurten. Txapelketako tiraldi guztiak Lesakako pilotalekuan eginen dituzte datozen bi larunbatetan, otsailaren 20an eta 27an, edukiera mugatuarekin. Emakumezkoen eta gizonezkoen taldeek seinaka tiratuko dute larunbat honetan eta talde mistoek zortzinaka otsaileko azken larunbatean. Denetan, Lesakako Beti Gazte izanen da eskualdeko ordezkari bakarra.
Gizonezkoen txapelketan, Lesakako taldearekin batera, Antsoain, Berriozar, Txantrea A eta Txantrea B ariko dira, 450 kiloz beheiti. Emakumezkoetan, Beti Gazte, Antsoain, Berriozar eta Txantrea lehiatuko dira (375 kiloz beheiti) eta mistoan ere lau talde horiek izanen dira aurrez aurre (550 kiloz beheiti).
Otsailaren 20an, larunbat honetan, 17:00etan hasiko da jaialdia eta otsailaren 27an, 16:00etan.