'Xarbotak' taldeak irabazi du Berako Udalak antolatutako Eguberrietako kanten lehiaketa

Aurten, lehen aldiz, Berako Udalak Eguberrietako kanten lehiaketa antolatu du eta saridunak Xarbotak taldeak eta Zu eta ni bideoak izan dira hurrenez hurren.

Bi bideoak udalaren Youtubeko Kultur Pilulak kanalean ikusgai daude. Epaimahaia Igor Telletxea Berako bandako zuzendariak, Fatima Gonzalez Berako abesbatzako zuzendariak eta Estitxu Pinatxo kultur zinegotziak osatu dute. Lehendabizikoek 300 euroko saria irabazi dute eta bigarrenek 200 eurokoa. Bi sariak herriko komertzioetan erabili beharko dira.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun