Ilbeltzaren 16tik aitzinera Christiane Girauden artelanak Beran ikusgai izanen dira

Covid-19a dela eta erakusgelan aldiberean sartzeko gehienezko jende kopurua ezarri da eta maskara erabiltzea derrigorrezkoa da.

Ilbeltzaren 16tik aitzinera Labiaga Ikastolako Areto Nagusian, Christiane Giraud artista lapurtarraren burdinazko eta zurezko eskulturak ikusgai paratuko dituzte. Erakusketa martxoaren 21a bitarte egonen da zabalik larunbatetan eta igandetan 16:00etatik 20:00etara.

Christiane Giraud

Lapurtarrak bere sorkuntzari bizi guztia eskaintzen dio. Baionan, oraindik haurra zelarik, Arte Eskolako Fréderic Dupuy maisuaren eskutik bokazio hori sortu zitzaion. 

Lucien Etxezaharretaren, Maiatz argitaletxearen koordinatzailea, hitzetan proiektu honetan «zuraren beroa eta burdinaren hoztasuna» elkartzen ditu Christiane Giraud artistak. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun