Harrera beroa egin diete igantziarrek hiru errege magoei

Aitzineko urteetan egin ohi den kabalgata ezin izan zuten egin eta hainbat moldaketa ttiki egin behar izan zituzten.

Guraso Elkartearen laguntzarekin, aurtengoan ere, Olentzero ez ezik, hiru errege magoek ere Igantziko herria bisitatu zuten. 

Ilbeltzaren 4an erregeen pajeak etorri ziren eskutitzen bila. Baina, aurten, egoerak behartuta etxez etxe ibili ziren eskutitzak biltzen. Biharamunean, ilbeltzaren 5ean, zaldi gainean etxez etxe ibili ziren Meltxor, Gaspar, Baltasar eta beraien laguntzaileak opariak banatzen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun