Ohiko kabalgatarik ez dute izan aurten Arantzan, baina hiru errege magoak bisitan izan ziren duela bi egun. Segurtasun neurriak hartuta, eta eskolako taldeak errespetatuz, erregeekin kontu-kontari aritzeko aukera izan zuten neska-mutikoek Arantzako Guraso Elkarteak antolatutako ekitaldian.
Frontoian egin zuten hitzordua. Haur Hezkuntzakoak izan ziren hiru erregeekin bildu ziren lehenbizikoak. Lehen Hezkuntzako 1. mailakoak gero; haien ondotik 2. mailakoak sartu ziren frontoira eta azkenik 3. eta 4. mailakoak. Erregeekin solasean aritu ondotik, bakoitzak bere oparia hartuta atera ziren frontoitik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!