59 neska-mutikok hartu zuten parte 2020ko azken astean Berako Eztegara pilotalekuan jokatu zuten pilota txapelketan. Osasun egoera tarteko, publikorik gabe eta pilotari bakoitzarekin laguntzaile bat sartuta jokatu zituzten partidak. Finalak, berriz, abenduaren 31n egin zituzten.
- Ttikien kategorian, Beñat Goñi (Bera) eta Amets Madariaga (Arantza) aritu ziren finalean eta beratarra nagusitu zen.
- Umeen b mailan, berriz, Aner Mariezkurrenak (Arantza) eta Ibai Criadok (Lesaka) jokatu zuten finala eta eta txapela aranztarrak jantzi zuen.
- Umeen a mailako txapela ere Arantzara joan zen. Ander Etxegarai (Arantza) eta Urko Telletxea (Igantzi) aritu ziren nor baino nor gehiago, eta Etxegarai gailendu zen.
- Kimuetan, Markel Irazokiren (Etxalar) eta Kemen Telletxearen (Igantzi) arteko finala izan zen, eta Irazokik irabazi zuen.
- Haurretan, alde batetik, neskak eta bertzetik, mutilak aritu ziren. Nesketan Amaiur Martinezek (Lesaka) eta Kattin Madariagak (Arantza) jokatu zuten finala eta lesakarrak lortu zuen garaipena. Mutiletan, bertzalde, Eukeni Etxenike (Igantzi) eta Unax Bereau (Lesaka) aritu ziren finalean, eta Bereaurentzat izan zen txapela.
- Kadeteen mailako finalean, azkenik, Oier Orbegozo eta Beñat Etxabide lesakarren arteko lehia izan zen. Orbegozo nagusitu zen.