13 urte, ehunka kilometrora bihotzetik gertu goiburupean elkarretaratzea deitu dute urtarrilaren 6an, asteazkenean 12:30ean Lesakako Onin erreka inguruan. 2008ko urtarrilaren 6an atxilotu zituzten Igor Portu eta Mattin Sarasola lesakarrak eta torturak salatu zituzten. Handik guttira preso hartu zituzten Ioseba Iturbide eta Mikel San Sebastian ere. «Urteak pasatu dira, baina ez dugu ahazten. Gurekin nahi ditugulako. Etxean behar ditugulako», diote oharrean.
Igor Portu Kordobatik Darocara (Zaragoza) eramanen dutela jakinarazi dute
Espainiako Barne Ministerioak joan den urte akabailan jakinarazi zuenez, Igor Portu lesakarra Kordobako espetxetik Darocakora (Zaragoza) aldatuko dute.