Aurten Errege eguna modu berezian ospatuko dute Igantzin. Ilbeltzaren 5ean egiten den Errege kabalgata ez da betiko moduan izanen. Aurtengoan, egoerak hala behartuta, erregeak elizan bildu beharrean etxez etxe banatuko dizkiete umeei opariak, Guraso Elkarteak lagunduta. Igantzira ilunabar aldera iritsiko direla iragarri dute eta herrian ume anitz direnez herrian ibilbide luze xamarra egin beharko dute Erregeek. Beraien lana errazteko, txintxo portatu direnei etxeetan zain egoteko eskatu dute.
Aitzineko urteetan, gaurko egunarekin, Hiru Erregeen pajeak Igantzira hurbiltzen ziren haurren eskutitzak jasotzera. Aurten, berriz, pajeak etxeetara hurbilduko dira. Herrira 18:00ak aldera ailegatuko omen dira, etxeetan tinbrea jo eta prest dutenen eskutitzak bilduko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun