Jende ugari bildu zuen Ciento Volando taldearen kontzertuak larunbat ilunabarrean Lesakan

Ttipi-Ttapa 2020ko abe. 14a, 18:00

Lesakako Udalak gonbidatuta, Ciento Volando taldeak kontzertua eman zuen larunbatean Harriondoa kultur etxean. Sarrera guztiak bi egun lehenago agortuta zeuden.

Ciento Volando taldea Carlos Colinak (ahotsa, gitarra, teklatua eta harmonikak), Raul Elizaldek (gitarrak), Joseba San Sebastianek (baxua) eta Mattin Arbelaitz zubietarrak (bateria) osatzen dute. Ohiko taldekideez gain, herriko hiru musikarirekin zenbait kanta jo zituzten: Pello Etxebeste (tronboia eta moldaketak), Xabi Fagoaga (tronpeta) eta Jon Alberro (saxofoia). Hauek izan ziren, hurrenez hurren, larunbateko kontzertuan eskaini zituzten kantak: Key to the highway; La última vez; Wildflowers; Supernova; Al menos hasta el lunes; Tarde para ti; Siempre  nos quedará Tennessee; ¿Porqué no?; New orleans; Hora de cerrar; Los charcos; Frágil; Días que tachar; Caminar; eta, The end.

Kontzertua bukatu zenean, bortz euroren truke taldearen diskoa erosteko aukera izan zuten bertaratuek.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun