Bi urte, lau hilabete eta egun bat dokumentala pantailaratuko dute abenduaren 6an, 18:30ean, Harriondoan. Sarrerak Xagu eta Telletxean 3 euroren truke eskuratu daitezke.
Prebentzio neurri orokorrak bermatuko dira: edukiera mugatua, maskararen erabilera derrigorrezkoa izanen da, distantziak mantendu eta esleitutako eserlekuak erabili beharko dira.
Sinopsia
Dokumentalak derrigorrezko soldaduskaren kontra borrokatu zuten 6 lagunen istorioa kontatzen du. 6 lagunek gauza anitz partekatzen dituzte: denak giltzaperatu zituzten soldaduskari uko egin izanagatik, eta denek nahiago izan zuten kartzela ejertzitoa baino. Hainbat izan ziren intsumiso izateko arrazoiak: bakezaletasuna, pentsaera anarkista, abertzaletasuna edota sinesmen erlijiosoak. Ezberdinak denak ere, baina guztiek erakutsi zuten ausardia eta tema handia, harik eta Estatuari borroka irabaztea lortu zuten arte.