Bisita gidatuei dagokienez, Covid-19aren testuinguruan bisitak nabarmenki jautsi omen zaizkie, «aitzineko urteetako kopuru erdira». Gainera, aurten bertze hainbat jarduera ere alde batera utzi behar izan dituzte osasun larrialdiarengatik: irailean egiten den tradizioaren besta, usategietako igandea eta 12 uso bizien zozketa, lehiaketa gastronomikoa eta baita urtero Pirinioetako usozaleek egiten duten bazkaria ere.
Etxalarko usategietan azaroaren 20an eman zioten akabera usoak sareekin ehizatzeko denboraldiari. Aurtengoa, gorabeherez betetako sasoia izan dute usazaleek. Urri hasierako egun euritsuek ez zien batere lagundu eta, gero, haize bolada bortitzen ondorioz, sareak eusteko funtsezkoak ziren hainbat zuhaitz eta poste lurrera erori ziren. Hala ere, sareak paratu ahal izan dituzten egun guti horietan, 118 dozena uso hartu dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun