Ehiza sistema tradizional honen oinarria berezia da: usoak Iarmendiko lepotik hurbil direnean, sare bidezko ehiztariek, alturan dauden hainbat trepatik hegazti harraparien itxura hartzen duten paleta zuriak botatzen dituzte airera, eta, horiek ikusita, uso bandadak izitu eta beheiti jausten dira eta, berehala, mendi lepoan zuhaitzen artean paratuta dauden sareetan harrapatzen dituzte.
Sistema tradizional honekin 100 dozena uso ehizatzera iritsi ziren atzo Etxalarko usategietan. Suziria Iarmendiko lepoan entzun zen, batez ere, Etxalar eta Sara arteko mugan.