Nafarroako Osasun Plataformak deituta, lehen mailako osasun arretaren eredua aldatzeko eskatuz asteazkenero elkarretaratzeak egiteko asmoa dute. Joan den urriaren 7an egin zuten lehenbizikoa eta gaurkoa hirugarrena izan da. Hemendik aitzinera, asteazkenero, 10:00etan Lesakako osasun zentroen aitzinean bilduko dira.
Nafarroako Osasun Plataformatik adierazi dutenez, «premiazkoa» iruditzen zaie «Osasun Departamentuak neurri zuzentzaileak» hartzea, «arretaren kalitateak okerrera egin ez dezan». Gisa berean, «osasun sistemaren kudeaketan aldaketa zorrotza» eskatu dute, eta «baliabide gehiago».