Lesakako Beti Gazte elkarteak urteko ohiko batzar nagusia deitu urriaren 24an, larunbatean 19:00etan lehenbiziko deialdian eta 19:30ean bigarrenean. Batzarra elkartearen egoitzan eginen da. Covid-19a dela eta, lokalaren edukiera 50 pertsonakoa izanen da eta une oro errespetatu behar dira eskatutako neurriak. Batzarra bertaratuta egiterik ez badagi, web-orrian (www.betigazte.net) jakinaraziko da batzarrean bideokonferentziaren bidez parte hartzeko aukera.
Bileraren gai-zerrendari dagokionez, lehenik, 2019ko batzarraren akta irakurri eta, bidezko bada, onartu eginen da. Ondotik, 2019an egindako ekitaldiak eta kontuen balantzea aztertuko dituzte, gero 2020ko ekitaldiak eta aurrekontua; kuotak eguneratzea; askotariko informazioa eta zuzendaritza batzordearen berritzea, eskari-galderen txandarekin bukatzeko.