'Cóncavo-convexo' ikuskizuna Lesakan urriaren 17an eskainiko dute

Jon Lopez, Gaizka Sarasola eta Martxel Rodriguez, Berako Kultur Etxean eskaini zuten emanaldiaren ondotik.

Led Silhouette taldearen eskutik, larunbatean 19:00etan hasiko da emanaldia Harriondoa Kultur Etxean

Urriaren 17an, larunbata, Jon López eta Martxel Rodriguezek zuzendutako Cóncavo-Convexo ikuskizuna eskainiko du Led Silhouette taldeak Lesakako Harriondo Kultur Etxean 19:00etan. Bi dantzariek Gaizka Sarasolak konposatutako musikarekin dantzatzen dute ikuskizunean. Sarrerak Lesakako Xagu eta Telletxea dendetan, sei eurotan, eskuragarri daude. Emanaldia Nafarroako Antzoki Sareak antolatu du, Nafarroako Gobernuaren eta Lesakako Udalaren laguntzarekin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun