Baztan-Bidasoko pentsionistak martxan elkarteak elkarretaratzea eginen du urriaren 19an Lesakan

Urteko lehen elkarretaratzea Beran egin zuten urtarrilean.

Astelehenean 12:00etan dute hitzordua Plaza Zaharrean

Datorren astelehenean Baztan-Bidasoko pentsionistak martxan hilabeteroko elkarretaratze dinamika hartuko du berriro. Hurrengo hitzordua, erran bezala, astelehenean (urriak 19) izanen da Lesakako Plaza Zaharrean, 12:00tan.

Beraien aldarrikapen nagusien artean hauek daude: pentsio sistema publikoa, non pentsio duinak bermatuko diren eta 1.080 euroko guttiengo pentsioa, Europako Karta Sozialak aholkatzen duen moduan.

Urteko egutegia

Aitzinera begira eskualdean eginen dituzten elkarretaratzeen berri ere eman du Baztan-Bidasoko pentsionistak martxan elkarteak. Honela, Lesakakoaren ondotik, azaroaren 16an Elizondoko Foruen Plazan eginen dute; abenduaren 21ean Berako Iamoteneko aparkalekuan; urtarrilaren 18an Doneztebeko eskolaren aitzinean; otsailaren 15ean Lesakako Plaza Zaharrean; martxoaren 15ean Elizondoko Foruen Plazan; apirilaren 19an Berako Iamoteneko aparkalekuan; maiatzaren 17an Doneztebeko eskolaren aitzinean eta ekainaren 21ean Lesakako Plaza Zaharrean. Elkarretaratze guztiak 12:00etan izanen dira.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun