Urdazubiko Juana Etxebarria, Berako Agustina Arandia eta Concepcion Zelaieta, eta Isabel Indurain eta Mª Jesus Moreno mojek heldu den hilabetean utziko dute Berako San Jose Zahar Etxea. Hori dela eta, zahar etxeko langileek eta egoiliarrek eta hurbileko zenbait lagunek omenaldi-agurra egin zieten atzo. Jota, opari eta txistu doinuen artean eskertu nahi izan zieten hainbat urtetan egindako lana.
Sor Juanak 13 urte eman ditu Berako zahar etxean lanean, Sor Agustinak 20 urte, Sor Concepcionek 17 urte, Sor Isabelek 10 urte eta Sor Mª Jesusek hiru urte. Heldu den hilabetean utziko dute Berako egoitza eta agur xumea baina berezia egin nahi izan zieten atzo zahar etxekoek. Beñardo Barredok jota batzuk kantatu zizkien, gero opariak ere eman zizkieten eta ondotik Agur Jauna txistuarekin eskaini zieten. Luntx eder batekin borobildu zuten omenaldia.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!