Bidazik baratze ekologikoari buruzko hitzaldia antolatu du Lesakan urriaren 23an

Izen emateko azken eguna urriaren 19a izanen da

Bidazik urriaren 23an 19:00etan Lesakako Udalaren erabilera anitzeko aretoan baratze ekologikoei buruzko hitzaldia antolatu du.

Bidaurretan gisa honetako baratzea daukaten Aingeru eta Mikel izanen dira hizlari. Hitzaldian, beraien esperientzia kontatzeaz gain, horrelako proiektu bat martxan jartzeko eman beharreko pausuak, alderdi teoriko nahiz praktikoak, azalduko dituzte. Azalpenak argazkien bidez emanen dira eta bertaratzen direnen galderak eta zalantzak argitzen ahaleginduko dira. Tokiak mugatuak izanen direla ohartarazi dute eta, beraz, parte-hartzeko izen-ematea beharrezkoa izanen da e-Posta bidez info@bidazi.eus edo Bidazira dei eginez. Izena emateko azken eguna urriaren 19a izanen da. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun