Urtero bezala, urriaren 1ean hasi da 2020ko Etxalarko Usategietako sare bidezko uso ehiza tradizionalaren denboraldia. Etxalarko Usategietan, 600 urte baino gehiago dituen sare bidezko uso ehizaren tradizioa bizirik ikusteko aukera dago. Sistema berezi honek ez du eskopeten beharrik usoak ehizatzeko eta talde lanean egiten da, paleta edo makilekin hegaka datozen usoei jaistera behartuz, zatarrekin izutuz eta sareen azpian bizirik harrapatuz. Hainbertzte urtez bizirik irauteagatik eta Iberiar penintsulan bakarra izateagatik, tradizio hau gure ondare kulturalaren parte da eta Kultur Interesko Ondare izendatua dago.
Bisita gidatuak
Urriaren 3ean, larunbata, hasiko dira ehiza tradizio xahar hau ezagutzeko bisita gidatuak ere. Urtero bezala, urriaren 1a eta azaroaren 20a bitarteko larunbat, igande eta besta egunetan eginen dira bisitak. Aurtengo berrikuntza ordutegiarena izanen da, bi bisita izanen baitira egunean: bat euskaraz, goizeko 10:00etan eta bertzea gazteleraz, eguerdiko 12:00etan. Covid-19 pandemia dela eta, osasun agintarien gomendio eta betebehar guztiak beteko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.