Ane Sirera igantziar gazteak, Igantziko udalaren bitartez, Nafarroako Gobernuan berdintasunarekin lotuta dagoen proiektu bat aurkeztu zuen. Gobernuak proiektua onartu eta dirulaguntza eman dio eta, horri esker, Ahizpatasun artistiko tailerra, emakumeentzako arte topaketa hau antolatu dute.
Urriaren 9tik azaroaren 7ra bitartean izanen dira, ortzirale arratsaldeetan, 17:30etik 20:30era, eta larunbat goizetan 09:30etik 12:30era. Parte hartzaileak hamar saioetan Igantziko gimnasioan (eskolan) bilduko dira.
Interesa duten guztiek 600 01 96 01 telefonora deituz edo a.sirera@ber2web.com helbidera idatziz izena emateko edo informazio gehiago eskuratzeko modua dute eta urriaren 4a, urriko lehenbiziko larunbata, izanen da apuntatzeko edo informazioa eskuratzeko hondarreko eguna.