Bigarren urtez antolatu dute Arrano Eguna Lesakan, «bazkideak elkartu eta elkarrekin ospatzeko eguna». Aurten testuinguru berezian eginen dute irailaren 19an, Kabi bat, hamaika hegada goiburupean, osasun krisi baten baitan, eta horretara egokitu dute egitaraua. «Urteroko data mantendu nahi dugu, nahiko genukeen formatoan ezin egin arren, aurtengoa bertze pausotxo bat izanen da datorren urteko besta egunaren bidean», diote.
Larunbat goizean plazatik mendi irteera eginen dute oinez edo bizikletan Aginara eta bertan hamaiketakoa eginen dute denek elkarrekin. 14.30ean bazkaria izanen dute. Arrano ostatuan bertan apuntatu behar dat eta bazkideek lehentasuna izanen dute leku arazoak baleude. Bazkalondoan kantaldia izanen dute.