Martxan paratuko diren neurri guztiak herritarrekin egindako parte-hartze prozesuan aurkeztu eta eztabaidatu ziren. Prozesuarekin jarraitzeko «asmo irmoa» du Udalak eta bertan parte hartzeko gonbitea luzatu nahi diete beratarrei. Neurri hauek abiapuntu bat bertzerik ez direla erran dute udaletik eta planaren garapenean egitasmo gehiago finkatuko dituzte hurrengo hilabeteetan.
Hauek dira hurrengo asteetan martxan jarriko diren neurriak, helburu horien urrats gisa.
Toki Ona eta Kattonberriko aparkaleku berdeak beratarrentzat
Eremu horietan egun dagoen neurrigabekeeria sahiestea da helburua. Eremu horietan dauden eskola eta denda-guneetara herritarren iristea erraztu nahi da.
Mukixu zubitik Eskola aterainoko espaloia
Erreka aldetik aparkalekuak kendu eta espali egokia egiteko beharra ikusi dute. umeen eta oro har oinezkoen segurtasuna lehenesteko. Inguruan nahikoa aparkaleku badirela azpimarratu dute udaletik.
Legia karrikaren peatonalizazioaren 1. fasea, Altzatetik Kanttonberriraino
Helburua karrika osoa peatonalizatzea den arren, lehenengo faseari ekinen diote. Kanttonberritik Foru plazaraino dagoen tartean arazo gehiago daude bertako zerbitzuengatik, baina neurria karrika osoan paratu nahi da. Karrikaren sarrera itxiko da Altzate aldetik, urrutiko kontrol bidez irekiko den pibote baten bitartez, bertatik soilik egoiliarrak eta herri zerbitzuak pasatzen ahal izanen dutela.
Txirrindularietzat karril berdea
Autoen trafikoarekin eredu mistoan ibiliko dira txirrindulariak, horretarako karril berdeak margotuko dira. Bertze herrialdeeetan dagoen ereduari jarraituz, bidean txirrindulariei lehentasuna emane dien karril berde honek. Adiadura 30 km/h-ra murriztuko da segurtasuna handitzeko.
Zebrabideen moldaketa
Zebrabideak margotu, argiztatu eta hobekiago seinalizatuko dira segurtasuna hobetzeko. Horrez gain Eztegara-Bidasoa semaforoen sinkronizazioa moldatuko da.