Lesakan Nordex Spain enpresak egin nahi duen parke eolikoaren aurka ekainean sortu zen Endara Bizirik taldea. Orain artean egin duen ibilbidean lesakarren eta inguruko herritar, udal eta bertze hainbat erakunderen babesa jaso du eta hori eskertzeko, agerraldia egin zuen irailaren 4an, joan den ortziralean, Lesakan.
Taldeak egin duen ibilbidea oroitarazi eta babesa eman duten herritar, udal eta bertzelako elkarteei eskerrak ematearekin batera, «alegazioaren erantzunaren zain» daudela jakinarazi zuten: «ailegatuko den jakin gabe». Bitartean, «emandako babes eta indarrarekin» lanean segitzeko asmoa dutela adierazi zuten: «erantzunik gabe ez dago bukaerarik eta bukaerarik ezean, ez dago amore ematerik».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.