Parte-hartzaileek Nafarroako Enplegu Zerbitzuan edo enplegu hobekuntzan izena emanda egon beharko dute eta oinarrizko gaitasun linguistikoak (irakurri eta idazteko gaitasuna) beharko dituzte. Ondotik, enplegu-poltsa batean sartzeko aukera izanen dute.
Eguneroko bizimoduko oinarrizko jardueren zainketak, mugitzeak eta jarduera fisikoa, lehen sorospenak eta disfagia, transmititzen ahal diren eritasunen prebentzioa, komunikazioa eta arreta psikologikoa landuko dira.
Izena emateko azken eguna irailaren 2a izanen da eta lotura honetan egin daiteke.