Hezurbeltzak taldeak kontzertu bikaina eman zuen Altzateko Plazan

Ederki disfrutatu zuten Hezurbeltzak taldeak eskaini zuen emanaldiarekin Altzateko plazan elkartutakoek. Kantuetan emigrazioa, gizarteko pertsona baztertuak eta horien inguruko istorioak plazaratzearekin batera, poetika, umorea, kritika eta edertasuna uztartu zituzten eta jendearen konplizitatea berehala eurenganatu zuten.

Berako Udalak eta Berako Kultur Batzordeak sustatutako Uda Bizia egitarauaren baitan, Hezurbeltzak taldeak kontzertua eman zuen larunbat arratsalde eguzkitsuan Altzateko Plazan. Hainbat jende bildu zen plazan, segurtasun neurri guztiak betez, Jon Maia bertsolariak, Gorka Hermosa akordeoilariak eta Jesús Prieto Piti gitarra-joleak eskainitako emanaldi gustagarriaz gozatzera.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun