SOSDeiak aditzera eman duenez, 42 urteko mendizale bat hil da Aiako Harrian izan den istripu batean. Larrialdi zerbitzuetako langileak gizonezkoak istripua izan duen tokira bertaratu badira ere, ez dute deus egiterik izan eta mendizalearen gorpua Auzitegi Medikuntzako Euskal Erakundera eraman dute autopsia egiteko.
Istripua 12:20 aldera gertatu da. Ordu horretan, inguru hartan zebiltzan hiru lagunek eman diete abisua larrialdi zerbitzuei. Berehala, helikoptero bat eta Ertzaintzaren mendi talde bat bertaratu dira ezbeharra gertatu den lekura. Sendagileak, ordea, ezin izan du ezer egin gizona bizkortzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.