Berako Udalak antolatutako Uda Bizia egitarauaren uztaileko ekitaldiak bukatzeko, hilaren 26an, Berako XII. Txirrindularitza Saria antolatu du Gure Txokoak, kadete mailako txirrindulariei zuzendua. 44 kilometroko ibilbidea izanen dute eta igandean 11:00etan abiatuko dira Iamoteneatik.
4,4 kilometroko zirkuituari hamar itzuli eman beharko dizkiote txirrindulariek. Euskalduna jatetxearen parean izanen da helmuga eta bertatik pasatzen diren bakoitzean tarteko helmuga (bikoitietan) eta sprint berezien (bakoitietan) sailkapenerako puntuak pilatuko dituzte lehenik pasatzen diren txirrindulariek.