Espainiako Disc-Golf txapelketa Igantzin jokatuko da urriaren 10 eta 11n

Irrisarriko eremuak hartuko du Espainiako Disc-Golf txapelketa urrian.

Baxi Basajauna elkarteak antolatuta, Espainiako Disc-Golf txapelketaren zortzigarren edizioa urriaren 10 eta 11n jokatulo da Igantziko Irrisarri Landen. Igantzi eta Galizako Santiago izan dituzte txapelketa antolatzeko aukera, baina Compostela Disc Golf Club taldeak 2018ko txapelketa antolatu zuela kontuan hartuz, Igantzin egitea erabaki du Espainiako Disc-Golf Elkarteak (AEDG).

AEDGren oharrak dioenez, «Baxi Basajauna azken urteetan gehien hazi den klubetako bat da, eta egindako lanarekin disc-golfean interes handia erakutsi du. Horrek guztiak anfitrioi gogokoenen artean kokatzen zituen».

Horrez gain, Irrisarri Land Disc Golf disc-eremua kokatzen den Irrisarri  Land abentura parkea, «leku ezin hobea da, parte-hartzaileei esperientzia erraztuko dieten ostatu-, aisialdi- eta gastronomia-eskaintzak baititu».

Irrisarriko eremuaren diseinua berrikusi eta beharrezko doikuntzak eginen dira, kantxaren faktorea ez dadin mesedegarria izan bertakoentzat eta dena prest egon dadin urrirako.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun