Nafarroako Gobernuak kostuen %85a diruz lagundu du eta hilabete honetan zehar, herritarren kezkak, proposamenak, iritziak eta gisakoak jasoko dituzte. Halere, orokorrean harrera ona izan duela aipatu digu Satrustegik eta «eskertzekoa da herritarrek erakutsitako prestutasuna eta borondate ona».
Bolardo eta loreontziak erabiliz espaloiei zabalera handiagoa eman zaie Plaza Zaharra eta Arretxea inguruan eta Beheko Plaza eta Zarandia karriketarako autoen sarbidea itxi da eta bertako bizilagunen aparkaleku pribatuetara iristea bakarrik da posible. Karga-deskargarako gune konkretuak ere zehaztu dituzte.
Herriko Etxeko atarian aparkatzeko aukera 10 minututara mugatzen duten seinaleak ere paratu dituzte.