Aurreikusitakoaren arabera, kirolariek lehendabiziko hitzordua irailaren 5ean izanen dute Igantzin. Nafarroa utzita, Gipuzkoara joanen dira ondoko larunbatean, irailaren 12an. Igartzan dute hitzordua. Urduñako (Araba) eta Arriarango (Gipuzkoa) lurretan barrena izanen dira, hurrenez hurren, irailaren 19ko eta 26ko bueltak.
Urrian bertze bortz aukera
Irailekoaren ondotik, urrian ere izanen dute aukerarik. Zegama-Aizkorrin hilaren 3an, Ibarran 10ean, Arespalditzan 17an, Amasan 24an eta Zeanurin 31n dituzte hitzorduak.
Azaroan Adunan egitekoa duten probaren data oraindik ez dute zehaztu «egutegia zabalik dagoelako» eta bertze probaren bat sartuko balitz data aldatu beharko litzatekeelako, Adunakoa zirkuituko azken proba izanen baita.
Baimenak eta protokoloak
Lehiaketa egin ahal izateko azken baimena lurralde bakoitzeko agintari eskudunei dagokie beti, baita bakoitzeko gehieneko parte-hartzaile kopurua ezartzea ere.
Guzti hau kontuan hartuta, protokolo berriak ezarri beharko dira dortsala jasotzerakoan, irteera gunean, boxetan, anoa postuetan, helmugan, etab.