2020-2021 ikasturterako matrikulazio kanpainan murgilduta, oraingoan Pepito Yanciren 'Lesaka' jo dute Lesakako Udal Musika Eskolako ikasle eta irakasleek. Hurrengo ikasturteari begira, ikasle berriek ekainaren 19ra arte Lesakako Udal Musika Eskolan izena emateko aukera izanen dute. Datorren ikasturterako eskaintza berri bat ere bada aukeran: Gazte eta Helduen Musika Taldeak. 13 urtetik goitiko ikasleei zuzendutako eskaintza da. Irailaren 1etik 11ra izena emateko bertze epe bat irekiko da.
Bertze instrumentuekin batera talde ezberdinetan jotzea esperientzia aberasgarria dela uste du Lesakako Musika Eskolak. Norberaren bakarkako lanaz gain, bertze lagunekin talde lanean ikasteko eta disfrutatzeko aukera bat da eta «probatzera animatu nahi dugu jendea».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.