Igantziar guztiek ederki gogoratzen dugun gisan, 2015eko abenduaren 19an izugarrizko sutea izan zen herrian, Frain aldean. Hori horrela izanik, eta izandako kalteak ikusita, 2016ko abenduaren 7an, Igantziko Udalak hartutako akordioan, Iberdrola Distribución Eléctrica enpresa demandatu eta epaiketara eraman zuen sutearen erantzulea zelakoan. Epaiketa 2018ko ilbeltzean (urtarrilean) izan zen eta sententzia, 2018ko otsailaren 6an atera zen, Udalari arrazoia emanez.
Bigarrenean ere alde
Ondotik, Iberdrola enpresak aurkezpen errekurtsoa tartekatu zuen eta Igantziko Udala, apelazio-errekurtsoaren aurka joan ondoren, 2020ko martxoaren 3ko sententzian, ezetsi egin zen Iberdrolak tartekatutako apelazio-errekurtsoa, beraz bigarren sententzia ere Igantziko Udalaren aldekoa izan da.
Hori horrela izanik, Iberdrola Distribucón Eléctrica enpresak 114.513,86 euro ordaindu beharko dizkio Igantziko Udalari: 103.497,73 euro kalte-ordainengatik eta 11.016,13€ epaiketen kostuengatik.