Honez gain, asteburu eta jai egunetan txirrindulariek ere aunitz maite dute ibilbide hau eta arrisku egoerak eta istripuak maiz bizi ditugu.
Berako udaletik aunitzetan eskatu izan dute errepide honen egoera hobetzea, zati batzuetan egin den bezala bide bazterrak bete eta hormigoiezko kunetak eginez.
Aurten, azkenean, Nafarroako Gobernuko gure zonaldeko errepideen arduradunek modua izan dute zati batzuk gehiago moldatzeko, kunetak betez eta hormigoizkoak egiteko punturik arriskutsuenetan. Hala nola Errota parean edo Eraustea baserri inguruan. Oraindik zati aunitz falta badira ere Berako udaletik eskertu dute lan hauek egin izana eta gainerako zatiak ere lehenbailehen egitea eskatu dute.