Izan ere, Joxe Luis Altzugarai entrenatzaileak aipatu digunez, «heldu den denboraldiari begira, bizpahiru jokalarik Iruñeko talde batekin fitxatuko dute, selektibitatea prestatu beharko dute bertze zenbaitek, kategoria ere gogorragoa da, bidaia luzeagoekin… Eskakizun horiek onartzeko prest ote dauden ikusi eta gaur erabakiko dute neskek igoera onartu ala ez».
Igoera faseko beraien multzoan lehenbizikoak ziren denboraldia eten zenean, baina gaur erabakiko dute maila igoera onartu ala ez
Profesionala ez den futbol denboraldia bukatutzat eman dute. Lesakako Beti Gazteko emakumeen taldea Gorengoen mailako igoera fasea jokatzen ari zen eta beraien multzoan lehenbizikoak ziren denboraldia eten zenean. Gipuzkoako Federaziotik jakinarazi dutenez, mailaz igo eta heldu den urtean Ohorezko mailan jokatzeko eskubidea irabazi dute. Gaur eginen dute bilera kategoria igoera hori onartzen duten ala ez erabakitzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun