Kultura eragileendako 32.000 euroko dirulaguntza banatuko du Lesakako Udalak

Tantirumairu euskal folklore taldeak ere dirulaguntza jasoko du.

Herriko kultura eragileek 2020. urterako aurkeztutako programak ikusirik diru-laguntzak banatu ditu Lesakako udalak, alkatetzaren ebazpen bidez. Guztira 32.000 euro banatuko ditu.

Honela, Lesakako San Fermin Jubilatu Elkarteak 1.683,75 euro jasoko ditu; Tantirumairu Ikastolak 2.325,62 euro; Bortzirietako Bertso Eskolak 1.698,14 euro; Tantirumairu Euskal Folklore Taldeak 1.940,59 euro; Mairu Antzerki Taldeak 1.453,51 euro; Beti Gazte Elkarteak 5.784,97 euro; Lesaka Trikitixa Elkarteak 1.241,78 euro; Lesakako Musika Bandak 4.139,07 euro; Lesakako Soinulariak taldeak 944,21 euro; Santa Zezilia Batzordeak 1.657  euro; Lesakako Abesbatzak 4.242 euro; Lesakako Organoaren Lagunak elkarteak 755,83 euro; Giltzarri Abesbatzak 1.630,72 euro; eta Txistulari taldeak 2.502,81 euro.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun